早聞郭Sir平時鍾意邊巡視監獄邊聽下屬報告，唔知係咪因為咁，尋日佢同班記者試行獅子山其中一段比賽路徑時，行山路竟然好似行平地咁快，幾個年輕記者只能氣都喘埋咁望住佢背影，期間有幾次更加連佢個影都望唔到。

健步如飛唔在講，佢隨身攜帶嘅背囊仲好似叮噹嘅百寶袋咁，拎完一支支冰水出嚟，仲有一支支嘅運動飲料，源源不絕咁請已上氣唔接下氣嘅記者飲。

原來郭Sir早喺○一年仲係助理署長嗰陣已參加過比賽，當時以三十個鐘完成賽事，雖然今次自言四個人加埋過二百歲，又因公事繁忙，早前只同三個隊員練過兩次，但都希望好過上次成績喎！