呢排市場好多人都同阿Ron所講嘅一樣，因為金價起，當然會帶起金礦股啦！阿Ron作為港交所主席，幾時都不忘為港交所服務，但佢就唔肯透露自己有冇買番幾手金礦股。

其實，尋日係一年一度嘅莎莎銀袋日，主辦單位喺馬場開咗個禮帽展櫃，等女士可以即買即戴，Ron嫂左揀右揀，睇中咗兩頂禮帽，正喺度猶豫之際，阿Ron好識做咁話：「係咪鍾意呀﹖係就買啦。」之後仲拿拿臨去櫃枱找數。

阿Ron攞張美國運通銀行黑卡出嚟埋單，點知收銀員揸住張卡諗咗陣之後，跟住尷尷尬尬咁畀番張卡阿Ron，話佢哋只收Visa、Master或現金。呢位馬會前主席聽到，當堂面都黑埋，因為佢當時冇咁多現金，加上佢匹愛駒「超班」仲有幾分鐘就出賽，夏太見狀即時打圓場，話唔要頂禮帽喇，跟手拉老公去為「超班」打氣。