港股近排上上落落,好多經濟學家預期股市暫時會以「W」或「L」形走勢發展,難得見到柯大俠,梗係要問吓佢有乜睇法啦!點知佢話:「我都唔喺個市到咯!」話晒都係財經界專家喎?佢話:「專乜嘢家吖,只係過氣專家啫!」把口收得咁密,莫非佢想留番啲料,學啲退休高官咁去大學教書?佢就話:「呢啲嘢暫時唔諗住喇,起碼唞六個月再算。」