抖咗成年，肥亨冇「降呢」，仲同班大學生玩潮語，一句「sor爆」（不斷Say Sorry）搞到大家i晒頭，跟住佢仲玩「Chok樣」（變個靚仔樣），之後又教大家「旯旮」（即係卡啦）嘅正音同意義，簡簡單單就將關心青少年嘅節目立場介紹咗出嚟。

至於經濟大勢，肥亨覺得仲有不明朗因素，各國財長唔可以掉以輕心，但香港有經濟勢頭好嘅祖國支持，整體環境唔錯，比起美國，香港復甦速度快好多。加上世界經濟已經由深切治療室轉咗去普通病房，上年嘅情況係信心危機，依家信心返嚟，所以希望就算唔係今年第四季，明年第一季都應該復甦。

講到港台嘅問題依家解決咗，佢話「不在其位，不謀其政」，但今次「收錢」開咪，佢話唔怕畀人請去問話喎！