爆出呢個秘密嘅唔係哥頓本人，而係哥頓太郭秀萍。話說哥頓太前晚出席「健康快車」慈善音樂會，見佢皮膚白雪雪，以為佢做足防曬先睇閱兵，細問之下，原來佢去咗美國公幹，冇做跟得夫人，但講起老公同囝囝就令佢忍唔住笑，佢話見到兩父子返港一刻，第一個反應係：「乜你兩個曬得咁黑㗎！」言下之意，即係話哥頓同囝囝喺天安門下乾曬三粒幾鐘睇閱兵，搞到塊面紅卜卜。

唔知哥頓太有冇預備幾塊補濕面膜幫兩父子急救肌膚呢？佢繼續笑騎騎話：「佢哋唔使咁靚啦，我靚咪得囉。」