30/09/2009

播放本新聞相關短片

SUN特搜:等親友探訪順道幫手入貨

天水圍對外交通雖有鐵路及巴士連接,惟地區位處偏遠,導致交通費高昂,出入天水圍區亦需時甚長,故並非人人皆可跨區買便宜貨。在天水圍住了六年的張女士坦言後悔當年遷入該區生活:「我哋窮,反而買嘢就愈貴,真係好難慳錢!」她指區內日用品屬「天水圍貨灣仔價」,要「焗住買貴貨」。

慳家主婦返大陸買

天水圍居民邱小姐亦指該區日用品屬「天價」:「簡直不知所謂!有時藥房仲貴過超市,惟有兩邊格價,我估有啲日用品貴過其他區一倍!依家會上網買日用品,貪佢價錢平又免費送貨,或者等親戚朋友探我哋嗰陣,請佢哋順便幫手買入嚟!」

小數怕長計,一群天水圍的精明主婦想出另類省錢妙法:「間中會同其他太太坐幾蚊巴士返大陸買日用品,一買就買成個月嘅物品,計番條數平過喺度買!」亦有基層婦女成立組織,聯合百多個家庭,以「大客仔」身份直接向生產商及街坊小店入貨,省卻中間人收費。組織會將大桶食油及白米等食物,分別放進容量較小的膠樽,讓低收入甚至綜援家庭也可購買。