24小時瀏覽記錄

政情：行會女將雨不沾身

行政會議尋日朝早舉行會議，時值大雨滂沱，啲成員免不了有啲狼狽，最瀟灑嘅應該係兩名女將史美倫同楊敏德，佢哋都係身家豐厚嘅人，所以搭專車抵達會場，兩人落車時身上既冇雨水，手上又唔使擔遮，入政府總部時兩手空空，可以好瀟灑咁接請願信。

不過，佢哋有啲男同事就狼狽好多嘞，好似建仔嘅劉江華同教院校長張炳良咁，一手擔遮，一手揸住行政會議嘅文件夾，請願團體向佢遞信抗議時，佢尷尷尬尬咁冇手接，要將公文袋暫時夾住，先可以騰空隻手嚟接信。