個新竇位處北角區，夾喺港鐵天后站同炮台山站中間嘅工廠大廈二樓，面積三千呎，租金大約十五蚊呎。陳家洛話相比依家用緊大約二千呎嘅灣仔寫字樓，好處係地方大咗，適合個黨長遠發展，而且去維園搞年宵同遊行都方便啲喎。

由甲級寫字樓搬去工廠大廈，係咪有啲跌watt呢？講到尾都係要向現實低頭，事關灣仔寫字樓個業主加租，呎租由十四蚊加到十八蚊。尋日同記者見面嘅會議室天花板穿咗個大窿，個位置本來係冷氣機位，佢哋已經拆咗落嚟搬去新竇用。