翻查資料，嗰架黑色Bentley係保良局前主席顏寶鈴所擁有，事發時泊正喺肥師奶部「AM15」座駕前面約兩呎。港區全國政協王國強憶述當時等緊司機嚟接，忽然見到有架車溜後，下意識就立即衝上去，用雙手撐住車尾，希望阻止意外發生，而佢用力一推，架車溜後咗一下就停定，司機亦迅速跳上車拉手掣，最終佢喺兩架車之間全身而退。

睇番張相，同王國強一齊奮力推車嘅仲有一名貌似全國人大代表盧瑞安嘅男士，但佢竟然話冇留意身邊有人喎。