四川五．一二大地震摧毀了無數四川人的家園，不少災民一夜間失去摯親。香港理工大學去年六月，與四川大學在災後成立「四川地震災後重建支援及研究中心」，在醫療服務、心理諮詢及社區重建、建築及工程技術和經濟重建等四方面提供支援和培訓，迄今服務逾三千五百人。理大應用社會科學系致力為一眾受災師生重建心靈，為災民提供特別輔導送上心靈雞湯，驅走災害在他們內心深處留下的陰影。
「工作過程一定有困難，我哋唔係四川本地人，而係外來嘅，當地學校根本係無社會工作概念，當地所謂輔導組亦唔係專業訓練出嚟，可能係由一個老師充當輔導員，雙方嘅概念、理念都好唔一樣。」
參與支援工作的理大應用社會科學系助理教授沈文偉博士表示，災後心理輔導工作與以往的並不相同：「以往嘅一套未必適合當地，我哋有時反而要通過同老師一齊飲吓嘢，慢慢去傾。」他形容，為災民重建心靈的過程「好似疊石仔咁，一粒一粒疊上去，大事小事都要一齊去做，免添煩添亂」，按部就班為災民重建心靈。