何超鳳：返屋企在望

三太陳婉珍尋日晏晝探望賭王後，被問到賭王有冇提過想食月餅，三太話：「佢冇講。」下晝何超儀手挽大袋物件去到醫院，被追問袋中係咪月餅時，佢話：「係呀!（賭王食唔食到月餅？）梗係食到。」

何超鳳尋日又罕有地公開談及父親目前狀況，佢話：「（賭王）康復情況好理想，返屋企在望，（中秋節會唔會出院一齊慶祝？）中秋太近，可能未得住，不過中秋節當日全家人會去醫院陪佢過。佢身體好好，唔使擔心，多謝大家關心。」晚上九點幾，四太與悉心打扮嘅何超雲前後腳到達醫院，但未有接受訪問。

何超蕸前晚話：「中秋節應該會同父親一齊過，（賭王情況點？）佢好精神，休養緊，依家唔需要做手術，（賭王想唔想出院？）呢啲嘢要睇多方面。」