克勤仔扮Rock都係想搞啲gimmick等個宣傳效果好睇啲啫！不如上台表演埋一份，可能回響仲大喎！點知佢即刻耍手擰頭，原來佢都有諗過去上個結他速成班，就好似啲男仔追女朋友時專登練隻情歌人咁，等到時可以真正「身體力行」支持音樂會，但諗多兩諗，佢覺得學搖滾樂同電結他難度太高，為免嚇親街坊，都係喺心底默默支持就算嘞。