但當台下有人問係咪有三個行會成員有意競選下屆特首時，CY笑笑口咁話唔知有人想選特首，但如果真係有，呢個人同特首嘅關係就好似英國首相白高敦同前首相貝理雅，又或者另外兩位英國前首相馬卓安同戴卓爾夫人嘅關係咁喎。

夜晚佢出席另一個活動時就解釋，呢個比喻係要表示同一個政府或內閣，唔同想法嘅人一樣可以共事。不過，係人都知白高敦向貝理雅逼宮上位，而馬卓安則喺戴卓爾夫人辭職後取而代之，佢引用呢兩個例子確會惹起公眾無限聯想。