葉劉尋日話當日清晨五點幾返到香港後，諗住順路去東涌買杯咖啡飲，點知見到有個少女瞓喺街，起初以為佢飲醉酒，但睇落似係食咗軟性毒品，迷迷糊糊講出住址後，葉劉就孭個女仔返屋企。葉劉作為保安局前局長，點解唔即時報警呢？佢話當時冇諗過喎，因為佢相信少女嘅家人識得點樣處理。

做咗議員一年，佢自稱任內有兩大成就，一係多個辦事處開創咗二十幾個就業職位，其次係撮合咗兩對新人，其中一對已到談婚論嫁地步，另一對就正蜜運中，主角就係佢愛將、灣仔區議員黃楚峰嘞。可惜葉劉能醫不自醫呢。