24/09/2009

政情：忍者龜之父獲頒院士銜

名噪一時嘅「忍者龜」創辦人陳大河，尋日獲城大頒授榮譽院士銜。陳大河係成功嘅潮州商人，潮州商會會長許學之同一班會董梗係去捧「架己冷」場啦。陳大河熱心公益，由○二年起先後捐錢畀理大、城大同公大，合共四千萬元，十足係「教育界黃大仙」。但佢為人好低調，將生意交晒畀阿仔打理，佢話八十幾歲人寧願享吓清福喎！

陳大河創立嘅「忍者龜」可以話係香港玩具界奇迹，講起營商心得，陳大河謙稱只有小學程度，冇諗過攞到大學榮譽院士銜頭，仲話：「我不問世事好耐o架喇！」