24/09/2009

播放本新聞相關短片

政情:華員會缺席十.一酒會

七個公務員團體尋日聯合舉辦十.一酒會,唯獨擁有近九萬名會員的華員會同公務員工會聯合會冇參與。

高級公務員協會主席蘇平治話喺半年前籌備酒會之始,華員會有派代表出席,但到咗今年三月突然退出有關工作,並冇解釋原因,佢認為同各個公務員團體對減薪態度不一冇關,亦唔擔心華員會缺席會影響公務員形象。

香港警務督察協會主席廖潔明亦話,過去嘅十.一酒會亦唔係每個公務員團體都參加,大家毋須過度猜度。喺本報截稿前,仍未收到華員會對突然退出酒會嘅回應。