房屋署啱啱畀本報踢爆，九龍灣啟業邨換工程因為入錯貨，訂咗嘅升降機唔啱尺寸，工程要推倒重來，對住客造成極大困擾。成三千萬嘅工程，事前居然冇實地視察，家陣好似部壞咁，上又唔係，落又唔得，直頭國際大笑話啦。

呢嗱，房署尋日解畫嘞，不過又係例牌菜，只道歉唔認錯。房署物業管理總經理招建慈承認，工程延誤係因為槽磚牆被改為石屎牆，但圖則冇更新。由於鑿牆做法變咗，部分材料缺乏，要重新審批。

署方強調，選用嘅合乎規格，毋須更換，唔會造成浪費。依家仲調查緊圖則出錯原因，估計呢啲「小改動」工程費用唔超過三十萬。房署又向居民致歉，但強調呢次只係「個別事件」。

叮！講咗咁耐都唔知房署究竟想噏乜。成件事起因一字咁淺，就係「懶」。如果房署有嚴謹嘅監管制度，圖則有變即時更改檔案；如果訂前做多步工夫，親眼望吓，親手度吓槽，唔使一味斷估，咁嘅笑話根本唔會發生。

房署死拗冇訂錯，更加係邏輯混亂。依家槽唔啱裝訂咗嘅，就係咁簡單。一個兩百磅嘅肥佬，連自己腰圍幾多都唔度吓，就買咗條二十八吋褲頭嘅褲，一着就爆胎。佢打死都唔認買錯褲，話係自己發咗福啫。咁都要拗，請問房署署長陳鎮源，呢啲係咪叫思覺失調吖？

叮！仲有，房署以整項工程總開支三千萬唔變為理由，死撐自己冇做錯，但係又鬼拍後尾枕，話槽改動使費三十萬。即係點吖？唔通呢筆額外開支由房署高官自己科水搞掂？錯咗仲死唔認，當納稅人係白癡咩！

呢兩年涉及公屋升降機嘅事故幾乎未停過，房署監管不力難辭其咎，呢次啟業邨換又涉及工程延誤、浪費公帑，你話房署做嘢幾兒戲吖。嘥咗公帑，對住客構成不便唔在講，對呢啲關乎人命嘅設施一啲都唔上心，圖則改咗都冇人知，搭隨時變咗誤墮死亡陷阱。

有房委會建築小組成員話，啟業邨起咗二十幾年，可能當年嘅記錄工作唔嚴謹，承建商用石屎替代沙磚起槽，又冇做記錄，至搞出個大烏龍。嘩，如果大吉利是當年有人出蠱惑偷龍轉鳳，特登唔做記錄，房署又烏吓烏吓，唔問唔睇，整單死人冧樓慘劇，咁咪大劑？

叮佢個鎯鎯！房署有錯唔認，有錯唔改，文過飾非，一味死撐。換工程延誤，住客捱多幾個月爭打崩頭嘅日子，佢哋唔當回事；如果遲幾個月至出糧，唔知呢班官又會唔會好似食咗成擔豬油咁冇晒反應呢？