蔡菜子侍母至孝，今次東瀛遊都有蔡老太份，由於蔡老太有腳患，出入都要有張輪椅傍身，佢哋一行人去到大阪租埋車先發現張輪椅太大，放唔入車尾箱，搞到最後要去到邊借到邊，每到一個景點先問當地人借輪椅。不過蔡菜子唔單止冇嫌麻煩，仲覺得係旅遊嘅另類體驗。

另一個前議員陳婉嫻都出席同一場合，佢話依家仲忙過做議員嗰陣，因為做立法會議員一般九點前就返到屋企，但依家要搞到晚上十一、二點。