「無國界社工」係一個由專業社工為主組成嘅志願團體，以往每逢各國發生重大天災人禍，佢哋都即時派員前往救災，最近佢哋獲得「惠明慈善基金」主席兼商人鍾惠明支持，捐出三百萬元人民幣，尋日就舉行支票交收儀式。楊受成對社會熱心人士捐助感到高興，話會盡快將善款轉到災區嘅重建教育工作，主力為殘障學生提供專業社工輔導服務，治療因地震帶來嘅心理創傷。

「無國界社工」會長陳萬聯應話，「都江堰友愛學校」係全中國首間提倡「傷健共融」嘅學校，獲得善款資助後，十月起佢哋將啟動一項名為「友愛集善之家」嘅駐校社工服務，由「無國界社工」派出一名香港資深社工長駐當地，帶領四名內地社工、職業治療師及物理治療師等，為校內約一百五十名因災致殘嘅學生提供心理輔導、復康支援服務。