青少年濫毒風盛，身兼青少年發展聯會主席嘅陳振彬（Bunny）籌辦咗個德育發展中心，尋日啟用，呢個中心用咗鰂魚涌培志男童院舊址嚟做，尋日應邀出席活動嘅發展局局長林鄭月娥就話，自己同培志男童院好有淵源，因為當年在任社會福利署署長時，曾經管過培志。
培志男童院舊址位於一個山坡上，要行百幾級石級先到，林鄭尋日同德育發展中心名譽校監馮兆元拾級而上，氣都唔喘吓。
民政事務局政治助理徐英偉尋日都有出席呢個活動，問到佢哋一班政治助理要選召集人，家吓有乜進展時，佢爆料話大家玩抽「生死籤」，結果由教育局政治助理楊哲安抽中，即係話呢期楊哲安做召集人，做幾耐就冇講到，總之大家會輪流做召集人，冇大細之分，實行人人有份，永不落空。