現時設有副局長嘅政策局局長離開香港，會由副局長頂上署任，並須刊登憲報公告天下，但如果有關政策局冇副局長幫手，原則上唔需要刊憲，有關部門分分鐘變成「無人駕駛」。泰國包機事件發生之後，政府就決定冇副局長嘅政策局常任秘書長須出席政府每朝舉行嘅早禱會，但相關決策權同政治責任誰屬，依舊唔清唔楚。

政府日前刊憲話運輸及房屋局局長鄭汝樺同食物及衞生局局長周一鑊會輪流署任離港外訪約半個月嘅李少光嘅工作，原來政府搞錯咗，因為有關局長嘅工作並非署任，今次純粹係有人「手民之誤」。咁邊個出錯呢？係保安局定係行政署呢？發言人話不必深究，總之保安局會孭呢隻鑊。