睇網球捧費達拿

而四太梁安琪昨晚出席星光熠熠耀保良的酒會時，甫到場即向記者「報喜」，透露賭王情況「幾好」，四太更笑說：「（同丈夫）講吓澳門選舉，打吓麻雀仔，畀佢甩吓牌玩吓囉，仲有睇網球呀，佢最鍾意就係打網球㗎啦！（賭王支持邊個？）梗係費達拿。（咁賭王胃口點呢？）由醫生決定食乜，唔通想食炸嘢就食炸嘢咩？」二房女兒何超鳳在同一場合被問到父親情況時亦輕鬆笑說：「情況好好呀，（幾時出院？）咁就要醫生決定。」

雖然賭王健康已見好轉，但幾房人仍每天風雨不改到港安醫院探望。昨日三太陳婉珍、二太藍瓊纓亦聯同女兒何超鳳及兒子猷龍前往探望；「夜更」的大房女兒何超雄則如常於早上離開。其中三太陳婉珍被記者問到有關醫藥費的報道時即大皺眉頭；而四太梁安琪下午四時現身醫院時，被問及賭王情況是否很好時即笑說：「係呀，係呀！（咁幾時可以出院？）我未見到醫生，大家都好忙！」

四太離開不久，三太再度折返，記者再追問有關醫藥費的報道時，三太悶哼了一聲說：「你哋講啫！」便步入醫院。