佢唔止爆自己教過一年書，話嗰年係佢一生人最開心嘅日子。佢講到氣候變化令二氧化碳增加，從而令溫度上升，仲爆埋竟然有個高官同佢講：「咁咪好囉，唔使咁凍！」佢話過去三十年，大氣嘅二氧化碳濃度急升，過去要用二百年先錄得同等升幅。連同學仔聽完都明白問題有幾嚴重，反而啲高官反應認真膚淺。

有觀眾話黑英係前高官，會唔會同高官、有錢人講氣候問題有幾嚴重？佢好直接咁話「我性格唔會」，仲話自己唔係高官、只係低官，好坦白話知道政府有人唔鍾意佢，反而有啲大公司仲明事理。