早上七時五十五分，學校鐘聲響起，坐在保母車的學童仍未可落車，原因是規定落車時間未到，司機若要準時送學生到校上課，就要無證闖禁區。九月開學踏入第二個星期，北區出現一群「無證」保母車司機，他們二十多年來都「攞正牌」在限制區接送學生往不同學校。不過，今年卻收到一份令人莫名其妙的禁區紙。
司機追時間壓力大增
保母車司機在本月二日才收到禁區紙，停泊區及時間均大幅減少。例如他們要到位於上水清城路的曾梅千禧學校接送學童，學校在上午七時五十五分上課，下午三時十分放學，但運輸署批出的禁區紙卻列明在上午八時至九時、下午五時至五時半接送學童。
「七點五十五分打鐘上堂，運輸署淨係容許我哋八點喺禁區停車畀學生入學校返學。」在新界北區經營保母車服務的梁先生，對於運輸署批准的停車時間感到莫名其妙。他說：「保母車要把握學童返放學前後嘅黃金一小時，但依家呢個限制真係玩謝我哋！如我哋守法，學童就會遲到，若保障學童準時返學，我哋就會被迫違法。」而另一名保母車司機馮女士至今仍未收到禁區紙，她說：「無禁區紙都要照做！」
北區學童保母車聯盟成員林太批評，運輸署逼保母車司機犯法：「保母車司機嘅壓力會好大，驚畀警察拉會扣分罰錢，又唔敢跟張禁區紙列明嘅時間去開工，因學童會遲到。」她又指運輸署減少了保母車在限制區的停泊時段，司機為追時間而壓力大增。
曾梅千禧學校陳校長稱，保母車能保障學生安全上學，但運輸署減停車地點會產生塞車問題：「以我間學校為例，以往清城路及清曉路都有校巴、保母車，但依家好多架都唔能夠喺清曉路停泊，令清城路喺同一時段太多車！我哋會叫工友去幫手帶學童入校門。」佛教正慧學校梁校長亦稱，開學後限制區太多貨車停泊，要求政府加派人手到校外維持交通，保障學童上落車安全。
議員轟離譜添煩添亂
「運輸署真係錯得好離譜！」立法會教育界議員張文光批評事件荒謬，要求運輸署徹查今次事件：「係人都知保母車功能係接學生上下課，如果唔容許司機呢段時間接送學生，咁嘅限制係無嘢搵嘢嚟搞，添煩添亂！」北區區議會交通運輸委員會主席劉國勳指出，開學後仍未妥善安排保母車接送服務是不能接受，今日會舉行聲討大會。
運輸署發言人回應本報查詢時，託詞因處理禁區紙時間緊迫，在安排申請的時間有所誤會。該署已於九月八日重新發出許可證予申請人，並會於今日與學校及保母車司機開會，商討更完善的安排。