呂元祥太太、八十九歲媽媽、外母、公子呂慶耀、千金呂慶欣等總動員到賀，呂元祥話難得媽媽同外母年紀咁大都嚟恭賀，非常感動，但講起新抱仔、新地副主席郭炳江千金Noelle郭曉妍有喜，佢就唔想多講，話郭氏家族鍾意低調，叫記者放新抱仔一馬。現場所見，Noelle穿着鬆身孕婦裝，腹部明顯隆起，一睇就知。

林太都唔弱，千金同女婿都放下診所工作抽空嚟捧場，而高靜芝、唐媽媽、李曾超群同全國人大常委范徐麗泰等更組成婦協「姐妹團」到賀。林太笑到四萬咁口話今次係人生中首次獲頒榮譽院士。