馬利德列舉一大串理由，包括本港供水網絡平地少山多，食水要泵到高位的配水庫，喉管長期處於高壓狀態，一時又說水管一般安裝在馬路下，汽車行走、附近工程及水土流失等，都會影響水管壽命。其實何需多言，四個字咪講晒囉︰唔關我事！

馬利德還說，原來本港每年滲漏的食水高達供水量兩成多，但有英國人「墊底」，他們「漏水率」達百分之二十三點五！那架勢，彷彿要將「紐倫港」重新排位，宣布易名為「港倫紐」似的，多麼神氣。

香港人就話有錢買東江水，好多地方冇咁好彩，水資源分分鐘影響國運。馬利德不信，大可以問問佢「兄弟」、伊拉克總理馬利基。

伊國因為水資源嚴重缺乏，加上國內沙漠化問題嚴重，伊國不僅因水資源問題與鄰國土耳其和敍利亞屢起爭端，農業方面亦因灌溉用水不足，令從前作為農業出口國的伊拉克，變成近八成食物要從外地入口，進口糧食支出大增，那些刻不容緩的重建工作亦被迫延期。

還有呀，蘇丹達爾富爾的黑人和阿拉伯人，打生打死，歸根究柢還是爭奪那日益稀少的水資源罷了。今年初達沃斯世界經濟論壇更發表報告，預測二十年內水價將會高過油價，問你怕未？

吃剩食物，往往會被面斥︰「唔食唔好嘥呀，難為人哋非洲人冇嘢食呀！」看來應將這句話略加改動送給馬利德︰「啲水唔飲唔好嘥呀，難為人哋伊拉克人冇水耕田呀！」