沙田馬場尋日搞咗個一百二十五周年活動嘅預告騷，搵咗詠春大師葉準率領馬會義工隊同社區人士示範「香港得得得」運動十式，唔識詠春嘅馬會大董Simon葉錫安都手郁郁跟住做。
本身係律師嘅Simon啱啱喺北京返嚟，原來佢之前去咗北京同法官進行面試，事關城市大學同最高人民法院搞咗個課程培育內地法官，佢哋喺五十幾個法官裏面篩選三十幾個出嚟學英文，幾個月後再篩剩三十個，上一個法律碩士課程。
佢話︰「唔易o架，佢哋全部都係精英，希望十幾年後佢哋都做到最高法院法官啦。」佢又話依家國家嘅司法仲係落後，同發展唔係好配合，所以培育好法官係好事。
