二十歲出頭嘅加讚原來係美國南加州大學政治系畢業生，但佢無意投身政壇，近兩年返港後都係幫爸爸打理家族玩具生意，成為爸爸嘅得力助手。講起外國吸食大麻同濫藥風氣盛行，加讚話誘惑無處不在，但自己意志堅定，更唔認同拒絕「隊草」係老土，笑言如果朋友再三逼佢，會連朋友都冇得做。加讚咁有主見，難怪蔡志明拍心口話好放心。

講番個活動，查實係由香港專業人士協會首席會長CY梁振英做搞手，蔡生咁撐CY，令人有無限聯想。到底兩人有乜淵源？蔡生話早喺CY創立香港專業人士協會時，佢同加讚已加入做名譽會長，呢次出錢贊助活動只為做善事喎！