新界王劉皇發近年逐漸培養公子劉業強（Kenneth，圖）接棒，最近仲將十．一活動交由Kenneth負責，喺屯門區搞煙火匯演同大型沙灘音樂會。尋日Kenneth主持記者會兼公布活動詳情，為咗搞呢個活動，佢仲自己有份贊助添。
Kenneth尋日以屯門區節目活動籌備工作小組召集人身份，出席本月十九號舉行嘅煙火匯演記者會。一向低調嘅佢表現淡定，對表演地點、經費、門票派發地點嘅日期同時間等問題都倒背如流。
睇番煙火匯演嘅主要贊助商名單，其中一間係永同益集團有限公司，而Kenneth就係呢間公司嘅副主席，即係自己撐自己，仲唔係出錢出力？
