03/09/2009

播放本新聞相關短片

政情:郭少明陪阿仔鋤書

好多家長都會將仔女送去外國升學,做咗富貴黨常委嘅莎莎國際主席兼行政總裁郭少明都計劃送十七歲嘅愛子Patrick去美國讀大學,為咗幫仔仔衝刺,佢更取消暑假外遊計劃。

日前,佢哋兩父子喺香港會食晏,郭老闆話Patrick要參加美國學術評估測試(SAT)嘅補習班,以備下年升大學,由於佢哋較心儀美國學府,所以一直喺英國讀預科嘅Patrick就為此回港,為考SAT試做準備。

白手興家嘅郭老闆曾經講過,仔女一定要讀大學至可以出頭,難怪佢唔放假都要陪阿仔讀書。