「用爛咗就掉冇咁肉赤」

「咁平兼可以成日換款，真係愈買愈上癮。」OL李小姐家中存放多個A貨手袋，由於她平日上班打扮光鮮，從未有人發覺她在用假貨，因而愈買愈多，幾乎每有新貨，即會買下，「都唔會有人認真驗你個袋啦，用爛咗就掉都冇咁肉赤。」

另一OL阿欣亦是買「剪牌衫」的常客，每月入貨一至兩件，全因款式和質料仿真度超高，「個cutting、質地同真嘅一樣，但就平咁多，反正都係着一季就換，買真嘅覺得冇咁抵。」為了不讓人察覺，阿欣的入貨指標是款式愈簡單愈好，因為太花巧的款式，容易讓人發現瑕疵。

執業大律師龔靜儀指，即使是購買冒牌貨自用，已有協助教唆他人從事侵權的意圖，或會被追究法律責任，「你買一、兩個唔拉你，都係人情上放你一馬，唔好以為冇問題。」她以購買私煙者亦屬犯法為例，籲消費者小心選擇。