正康復中嘅賭王何鴻燊，現時仍然留醫。何家四房人每日輪流探望，三太陳婉珍尋日朝早七點幾已抵達醫院，並向在場守候嘅記者主動打招呼問好。雖然三太戴上口罩，但臉上仍露出喜悅神色（圖），仲笑住話：「早啲嚟好啲。」被問到係咪因為近嚟較為頻撲而清減咗，佢笑說清減亦係件好事。問到女兒超雲開設二手衫店嘅計劃，會唔會因為賭王嘅病情而擱置，三太話唔知情，又話依家冇時間理會。晚上三太再到醫院，逗留二十分鐘離開。
早前常到醫院探望父親嘅三太女兒超雲近日鮮有現身，記者尋日打電話畀佢，她解釋話：「爹哋依家康復緊，唔想嘈住佢，等佢休息多啲。」尋日二房女兒何超鳳同何超蕸都有到醫院探望。
