職業訓練局轄下知專設計學院搞咗個創意藝術展覽，請咗民政事務局副局長許曉暉做嘉賓，當佢睇到黑白相展品時仲勾起一段往事添！
佢憶述當年讀張祝珊英文中學時，美術老師好好，教畫畫之外，仲教埋攝影同黑房晒相技術，佢接觸黑房後覺得好有興趣，但由於屋企冇可能整個黑房，惟有利用學校黑房練習，只要學校開門，佢都甘願留堂或放棄周末時間走入黑房。但好可惜，佢昔日嘅攝影作品已喺過去幾次搬屋時，跟隨幾籮穀唔見晒。
許曉暉大讚黑白相好有味道，但依家已好難搵到黑白菲林同沖晒用品，而數碼相機都可以做到呢種效果，所以佢依家用數碼相機幫兩個囡囡影相係用黑白模式㗎。