田少分析香港特首依家唔可以擁有政黨背景，政治上嘅活動空間狹小，喺立法會固然冇票，施政困難，就連管治班子裏面都欠缺後盾；加上特首每五至十年輪替一次，外間根本冇人願意出任「短命」司局長，咁嘅特首位置，坐唔坐得過呀？佢仲話已將呢個困局如實向中央表達，中央點睇、會唔會針對情況作出改革就唔知嘞。

早前田少一句「幹部治港」，搞到疑似特首候選人之一嘅行政會議召集人CY梁振英好唔得閒。田少澄清話冇具名提過CY個名，亦唔覺得CY係幹部，佢用「幹部」一詞，只係籠統泛指「同中央關係好好」嘅人，並非真係共產黨員。