原來唐校長六十年代讀緊小學時已經係「披頭四」迷，可惜家境清貧，連收音機都買唔起，直至八十年代大學畢業後出嚟打工，先至擁有第一張「披頭四」唱片，至今已集齊樂隊所有唱碟。

另外，科大新校長陳繁昌亦初試啼聲主持開學禮，講起金融海嘯下籌款有冇壓力，佢好率直咁話，前日先正式踏足校園，仲未睇晒盤數，但以佢所知，美國啲大學籌得嘅科研基金唔單止冇因為金融海嘯減少，反而逆市增加五成，反映美國人明白科技發展係需要長期投資。佢兜咁大個圈講古仔，無非係想話畀政府知，香港再唔重視科研發展只有死路一條。