四太仲話佢依家最關心澳門大事，其他一概不理。原來禮拜六開始一連兩個禮拜，係澳門立法會選舉嘅競選活動期，佢打算去各區洗樓，務求盡量善用競選活動期嘅每分每秒，搵多啲市民支持佢。有冇信心成功連任呢？佢笑笑口話做人一定要有信心喎。

二太三太探望賭王

此外，三太陳婉珍繼續風雨不改，尋日兩度探望賭王，問有冇同賭王傾偈，佢話：「幾好呀佢，（好多傳聞指佢情況差呢！）佢真係幾好喎。（幾時出院？）真係唔知。」二太藍瓊纓偕同何超鳳等喺尋日下晝五點幾抵院探望，逗留至六時四十分至離開。藍瓊纓雖未有發言，但滿面笑容，可見佢對賭王嘅病情十分樂觀。