31/08/2009

播放本新聞相關短片

政情：林貝聿嘉銘記龔家恩惠

講番鵝頸橋底嘅婦協中心，擴建後會改名，但其實中心原本係叫做如心服務中心，係已故華懋主席龔如心喺十年前捐款五百萬元興建。婦協主席林貝聿嘉（圖）話今次中心擴建，有見龔如心已過身，龔家又打緊官司，唔方便開口打擾，所以轉而敲郭家門，咁啱郭老太千金郭婉儀係婦協首席名譽會長，有自己人幫口，實水到渠成啦。

跟住林太補飛話：「我哋冇忘本o架，仍然記得龔家嘅恩惠。」佢話如心服務中心嘅招牌仍然會保留，擴建工程亦已經知會龔家喎。