四太尋晚十點幾去探望賭王，對賭王或有機會半身不遂嘅傳聞，佢面帶微笑咁話：「我依家全力去搞澳門立法會競選，其他乜都唔理。」

三太陳婉珍尋日朝早七點同晚上六點，都有去港安醫院探望賭王，佢表示賭王情況樂觀。對於尋日曾傳出賭王昏迷不醒嘅消息，以及有傳即使賭王甦醒，將來亦可能半身不遂一事，三太即場否認話：「唔係唔係，梗係唔係。」

二房女兒何超蕸被問及有關傳聞時亦面帶微笑不回應。二房另一女兒何超鳳尋日都有去醫院探望賭王。另外，四太女兒何超盈前晚偕友人結伴欣賞時裝騷，心情開朗，似乎未受父親傳聞影響，反映賭王嘅情況樂觀。