肥亨除向學生傳授為師之道外，仲畀學生問到佢對班長選舉同普選嘅意見。肥亨話，班長梗係民選好啲，至於特首普選，佢就話「不在其位，不謀其政」，唔評論嘞。

啲學生對肥亨充滿好奇，有人旁敲側擊咁問，作為老師點樣挑選班長人選？轉數超快嘅肥亨就話，如果選班長，民選會好啲，因為大家有得參與，有滿足感；如果選出嚟嘅班長都喺堂上掟蕉嘅話，咪自己承擔後果囉！