本文重點
【本報訊】「可能我有陰陽眼，試過幾次，我深夜見到達德公所出面草地有好多人列隊操兵，又吹晒銀雞哨子，望真啲原來着住清朝古服，唔係人嚟㗎！」在公所附近開設狗店的阿詩透露，自從烈士碑被移離達德公所之後，怪事便接二連三發生。
嚇到即刻刪掉鬼相
阿詩的父親正是有份斥資建烈士塚做法事的鄭會明，阿詩昨日稱，父親於今年三月曾找來喇嘛在公所外唸經超度亡魂，當時她用相機拍攝儀式，翻看相片時發現相中有很多恐怖的人頭樣，嚇得她立即將相片刪掉。
阿詩母親鄭太則直言對鬧鬼已見慣不怪，丈夫一年前曾在附近安裝香爐供奉，但約一個月前，丈夫遇上一宗怪事：「佢聽到出面有把聲叫佢，話佢裝個香爐係無用，佢哋享受唔到啲香火，我老公望唔到附近有人。」