29/08/2009

播放本新聞相關短片

政情：九龍城區會分裂祖國？

近嚟大街小巷開始掛滿十．一嘅宣傳品，九龍城區議會都唔執輸，喺亞皆老街近火車站天橋下面嘅馬路中間欄杆上掛咗一款燈飾，可惜佢哋擺咗個大烏龍，因為呢個中國版圖嘅燈飾上竟然無咗海南島同台灣，曾經有海南島旅客發現唔妥，問油尖區議員陳文佑點解自己家鄉會喺國家版圖中消失？有關活動嘅籌委解釋，燈飾嘅中國版圖設計原稿，肯定有台灣同海南島，但係製造同懸掛就交由製作公司負責，佢都未知原來燈飾已經掛咗出街。

其後，九龍城區議會秘書處再以書面回覆，指燈飾仍然安裝之中，工程未完成，尚未進入驗收程序喎。吓？咁都得！