立法會新丁議員陳淑莊（Tanya）周遊列國，偏偏北京就未去過，今個暑假佢專登去咗趟北京，先後參觀各個重點名勝，包括故宮、萬里長城、天安門、水立方、鳥巢及國家大劇院等，尤其係到訪水立方和鳥巢兩個新景點，場地壯觀到令佢好驚訝，直頭好似大鄉里出城咁嘩嘩聲。
身在北京嘅Tanya話，今次旅程只係孤身上路，眼前嘅北京，與佢印象中差不多，但去到鳥巢及水立方現場參觀，宏偉壯觀得超乎佢想像，而踏足長城時，又令她想起「不到長城非好漢」呢句名言。旅程期間，Tanya到國家大劇院欣賞文藝表演，但竟然有意外收穫，畀佢近距離見到前國家領導人。
Tanya今次雖然走馬看花式認識北京，但總算去過北京，喺下個月三十八歲生日前完成咗一件心事。