賭王何鴻燊入院已經一個多月，家人透露佢嘅身體正逐漸康復。賭王二太藍瓊纓尋晚出席公開場合時，更大方回應丈夫情況「幾好」。被問及何鴻燊需要再做手術嘅傳聞，佢即時否認：「吓？邊個講㗎！」
問到何鴻燊幾時出院？藍瓊纓就話唔傾呢個話題，拒絕回應。佢一身鮮紅色旗袍出席個活動，明顯經過悉心裝扮，睇嚟心情相當不錯，可見賭王身體狀況亦非常樂觀。
何鴻燊自從跌傷頭部入院至今，何家人每日都會輪流到醫院探望，尋日三太陳婉珍、二房女兒何超鳳、何超蕸和何超儀亦有到醫院探望，三太被問到賭王可否喺中秋前出院時表示：「我真係唔清楚。」
