據悉，部分副局認為日後無論邊個當選班長，形象儼如副局之首，一嚟有違七名副局職級相同、平起平坐嘅原則，二嚟選舉為副局製造不必要壓力，所以紛紛向譚志源建議取消班長制。

副局政助明年中面臨中期表現評核，雖則係由政府高層評分，但佢哋嘅薪酬變化勢難逃過公眾耳目，所以副局之間依家開始要發力爭取表現，但如果其中一個副局做咗班長，無形中有更多表現機會，明知無緣做班長嘅副局又點會陷自己於不利局面呢？