香港各界婦女聯合協進會尋日舉行記者會，講吓十．一連串活動，主席林貝聿嘉仲預告今晚搞嘅聯歡晚會將有精彩表演添！乜嘢咁精彩呀？點知佢同基本法委員會副主任梁愛詩都賣關子，只係話已苦練好幾個月，流咗唔少汗水，到時仲有幾百人一齊表演添。最後詩姐畀多個提示，就係「臨老學吹啲打」喎！
話題一轉，講吓依家最潮嘅o靚模。詩姐話以o靚模作為事業好可惜，一來o靚模好商業化，二來年輕係學習嘅時候，應該認真學習，好好裝備自己，咁至對未來發展有幫助。
詩姐仲語重心長咁話「o靚模唔可以當終生職業」，但佢承認呢種風氣禁無可禁，只可以引導青年行正路，而年輕人應該有理想。咁又係，老咗又點做o靚模呢？
