案發單位深夜傳來「嘭嘭」聲響及粗言穢語，村民以為發生打鬥趕往查看，被數名陌生大漢阻止入屋，只見屋內兩兄弟遭人叉頸按在梳化上。有村民認出該批大漢入夜前已在村內徘徊，恐他們對兄弟不利擬報警時，對方才稱：「差人做嘢，唔好多事！」惟對方無展示警察委任證，更無佩戴證件，卒驚動兄弟的父母趕回家了解，逾半百村民來支援，將屋外窄巷堵塞。

村民嘲諷情報唔update

「我完全唔知你哋咩人？係咪由得我個仔畀你哋打？如果係女人咪要畀你哋強姦？」屋主甫返抵驚聞兒子遇襲感心痛，又被阻與兒子見面，對方又連番強調是入屋搜查時發生「糾纏」，並無打人，言論更激發屋主及村民情緒，將五男一女便衣探員圍困在屋內角落，探員默不作聲「以笑遮醜」。

四名軍裝警員接報到場調解，也無法令村民和屋主息怒，其後帶隊主管用筆記簿寫下入屋搜查紀錄，要求屋主簽署時，又為探員欠寫「入屋打人」起爭拗，最後警方答應補寫暫告平息。有村民透露，遭連爆五單位的村屋，半年前確有男女租住，但已於兩、三個月前搬走，村民嘲諷：「嚟遲咗喇！下次早啲啦！」