肥胡自爆遵照醫生吩咐，每朝起身例必食生麥皮做早餐，係人都知生麥皮口感好「鞋」，入口認真麻麻哋，不過佢發揮美食天分，倒兩杯低脂牛奶浸淋啲麥皮，再加兩羹由工人炮製嘅無糖燕窩。

用燕窩做早餐，真係識食噃！但肥胡就扁嘴話咪睇佢食得好滋味，查實碟麥皮冇加糖，味道相當寡，惟有安慰自己話：「我唔當係食麥皮o架，當自己食緊藥囉。」