尋晚係香港兒童交響樂團歸來音樂會，由梁卓偉嘅恩師、葉氏兒童合唱團創辦人葉惠康任音樂總監，梁卓偉擔任榮譽客席指揮，兩師徒合力將樂團演出推上高峰，樂章扣人心弦，見梁卓偉帶領住一眾兒童喺高低起伏嘅音樂旋律上穿梭，感情豐富，一舉手一投足，都散發出指揮家嘅魅力。

既然佢嘅音樂造詣咁高，「取醫棄樂」或「取官棄樂」會唔會太可惜呢？佢話：「唔係嘅，音樂可以係興趣，而做官係希望為市民服務。」講到做官，咁佢又係畀幾多分自己呢？他笑說：「打自己分冇意思，要等市民畀分，我任期到二○一二年，希望做好眼前嘅嘢！」