按構思，九名政助以後要做政治Ball場交際花，對工作圈子裏面嘅各式人等，一律要聯絡感情，建立關係，立法會議員、區議員同社團中人唔在講，以後就連議員助理、相關記者都要周旋混熟。簡單嚟講，即係要畀人「見到」你同感覺到你嘅存在。此外，又會建立「行孖必」制度，副局出席公眾場合，政助盡量一齊現身，頭炮咪就係尋日講過嘅，佢哋要落施政報告地區諮詢論壇做出氣沙包囉！

副局政助受聘時，合約寫明喺任期中期需要接受薪酬檢討，即係到明年中，局長會幫佢哋打分，根據佢哋嘅工作表現評定係咪需要加薪、凍薪或減薪，再由煲呔曾、林公公同Raymond主導嘅委員會定奪。如果呢班副局政助表現再冇改善，到時減薪只好怨自己。