縱橫電視圈幾十年嘅全國政協委員汪明荃,就喺會上要求政府加大力度支持演藝界,包括將啲舊工廠大廈撥畀佢哋做訓練同表演場地、資助藝團開班授徒等等。咁啱前晚選港姐,問佢港姐質素係咪一蟹不如一蟹,汪阿姐話咁講唔係幾公平,但佢亦自爆冇睇大前日嘅港姐決賽,無從評論今屆嘅佳麗質素喎!